Масква рыхтуецца да ўкраінскіх балістычных ракет

• 14.09.2026, 12:24

Нават расійскія Z-прапагандысты прызнаюць непазбежнасць новай пагрозы.

Расійскія Z-прапагандысты ўсё актыўней абмяркоўваюць украінскую балістычную праграму. Апошнім часам іх меркаванні сходзяцца на тым, што рана ці позна балістычныя ракеты паляцяць па Маскве, піша Dialog.UA.

Так, вядомы ў вузкіх колах расійскі акупант Юрый Горошко з пазыўным «Тавр» заявіў, што з’яўленне ў Украіны балістычных ракет, здольных дасягаць Масквы, — толькі пытанне часу. Пра гэта ён сказаў у размове з прапагандыстам і публіцыстам Максімам Калашнікавым.

Ён выказаў здагадку, што калі ў Кіева з’явяцца ўжо анансаваныя ракеты FP-9 і яны змогуць дасягнуць цэнтра Масквы, сітуацыя для Расійскай Федэрацыі зменіцца не ў лепшы бок. У адказ Горошко заявіў:

«Я б нават удакладніў: не “калі”, а “калі менавіта”».