Арыну Сабаленку аштрафавалі ў Нью-Ёрку на $7500

• 15.09.2026, 21:22

За неспартыўныя паводзіны.

Беларускую тэнісістку Арыну Сабаленку аштрафавалі за неспартыўныя паводзіны падчас фіналу US Open-2026 у Нью-Ёрку. З прызавых адлічылі 7500 долараў.

Пік яе эмоцый на US Open прыйшоўся на фінал. Дакладней — на хвіліну пасля паразы ад Алены Рыбакінай. Прайграўшы, Сабаленка села на лаўку і моцна ўдарыла ракеткай аб корт.

Паводле тэніснага кодэксу быў прызначаны максімальна магчымы ў такім выпадку штраф за неналежнае абыходжанне з ракеткай — 7500 долараў.