Санкцыі супраць беларускіх біятланістаў засталіся ў сіле

• 18.09.2026, 12:59

У IBU нават не сталі падымаць пытанне іх вяртання на міжнародныя старты.

Кангрэс Міжнароднага саюза біятланістаў (IBU) не стаў разглядаць пытанне аб допуску беларусаў і расіян да ўдзелу ў спаборніцтвах пад эгідай арганізацыі, распавёў кіраўнік прэс-службы Саюза біятланістаў Расіі (СБР) Сяргей Авер'янаў.

17-ы чарговы Кангрэс IBU праходзіць з 17 да 20 верасня 2026 года ў нямецкім Берхтэсгадэне. Першапачаткова паведамлялася, што IBU не ўключыў у парадак дня Кангрэса пытанні вяртання беларускіх і расійскіх біятланістаў.

«Пытанне не было ўключана ў парадак дня Кангрэса, які быў апублікаваны месяц таму. Прапановы ўнесці яго ў парадак дня ў апошні момант непасрэдна на Кангрэсе не паступіла. Рашэнне Кангрэса IBU 2022 года аб адстараненні СБР і Беларускай федэрацыі біятлона застаецца ў сіле», – заявіў Сяргей Авер'янаў.

Яна таксама адзначыла, што Кангрэс вырашыў падоўжыць мандат Выканаўчага камітэта IBU, які дазваляе гэтаму органу вярнуць расіян і беларусаў у любы момант да наступнага пасяджэння, калі для гэтага ўзнікнуць адпаведныя ўмовы.