Новае відэа з Пуціным выклікала пытанні ў расіян

• 18.09.2026, 18:39

У сеці абмяркоўваюць кадры з Крамля.

У Расіі 18 верасня пачаліся трохдзённыя выбары ў Дзярждуму. Прагаласаваў і дыктатар Пуцін — кадры апублікавала прэс-служба Крамля. Гэтае відэа стала прадметам актыўных абмеркаванняў сярод расіян.

У дэталях разбіраўся dialog.ua.

Пуцін на выбарах прагаласаваў анлайн. І больш за ўсё расіян уразіла тое, як няўпэўнена кіраўнік РФ абыходзіўся з камп'ютарам. Было відавочна, што з гэтым дэвайсам расійскі дыктатар мае справу даволі рэдка.

Таксама каментатары адзначалі відавочна дрэнны зрок у кіраўніка Крамля.

«Дзед тупа нічога не бачыць. Нават на велізарным маніторы. Шчурыцца, нахіляецца да экрана, бегае старэчымі вачыма. Да якой ступені трэба быць закомплексаваным, каб у 74 гады саромецца надзець акуляры?» — адзначыў блогер «Праф. Пераабражэнскі».

У сеці таксама звярнулі ўвагу на тое, што ў кіраўніка Крамля аперацыйная сістэма Windows аказалася неліцэнзійнай — у правым ніжнім куце выразна быў бачны адпаведны надпіс.

Адзначылі расіяне і тое, што першыя асобы дзяржавы прагаласавалі «з бункераў» з дапамогай «натаўскай» тэхнікі, не адважыўшыся з'явіцца перад уласным народам.

Палітык Андрэй Півавараў адзначыў важны момант: Пуцін перастаў галасаваць вочна пасля пачатку поўнамаштабнай вайны супраць Украіны.