Жыццё расійскага навабранца на фронце можа доўжыцца 20-30 хвілін

• 18.09.2026, 18:58

Пра гэта заявіў генерал ЗША.

На асобных участках фронту працягласць жыцця расійскага навабранца можа складаць усяго 20-30 хвілін. Аб гэтым паведамляе FREEДOM са спасылкай на заяву кіраўніка Аб’яднанага камітэта начальнікаў штабоў ЗША генерала Дэна Кейна.

Паводле яго слоў, такія страты звязаныя з імклівым развіццём ваенных тэхналогій і масавым ужываннем Украінай беспілотнікаў з штучным інтэлектам. Гэтыя беспілотнікі выкарыстоўваюць камп’ютарны зрок і здольныя паражаць мэты нават без GPS-навігацыі.

Кейн адзначыў, што спалучэнне танных і высокадакладных сродкаў з хуткім укараненнем тэхналогій змяняе характар баявых дзеянняў.

Раней у Інстытуце вывучэння вайны (ISW) адзначылі, што паўночнакарэйскія вайскоўцы могуць замяніць расійскія падраздзяленні на асобных участках фронту ў Сумскай вобласці.