Меліціна Станюта паказала, як прайшоў яе дзяўочнік у Варшаве

• 19.09.2026, 14:12

Вяселле вядомай гімнасткі запланавана на кастрычнік 2026 года.

Чэмпіёнка свету і Еўропы па мастацкай гімнастыцы Меліціна Станюта апублікавала ў сторыс свайго Instagram фота свайго дзяўочніка. Ён прайшоў у Варшаве, заўважыла выданне Tribuna.by.

Дзяўочнік у Станюты быў даволі сціплы — толькі яна і тры падругі. Сама гімнастка выбрала для мерапрыемства белыя штаны і кароткі топ. На галаву яна надзела фату.

Раней Станюта паведамляла, што вяселле запланавана на кастрычнік 2026 года.

Нагадаем, 17 снежня мінулага года беларуская гімнастка паведаміла, што заручылася з жаніхом — грамадзянінам Францыі.

— Гэта была прапанова-падарожжа: «Збірай свае чамаданы, мы выязджаем праз 24 гадзіны». Было цудоўна, а ўвечары ён запрасіў мяне ў рэстаран Roditop і папрасіў персанал закрыць тэрасу на гэты момант — з выглядам на чараўны стары горад Прагі, — расказвала пазней Меліціна. Яна адзначыла, што яе выбраннік зрабіў прапанову не толькі па-французску, але і па-беларуску.

Яна не раскрыла імя жаніха, але расказала некалькі фактаў пра яго і пра сябе:

«У нас аднолькавы знак задыяку — Скарпіён;

Розніца ў узросце 371 дзень (ён старэйшы);

Ён бретонец (поўнач Францыі);

У нас аднолькавая марка аўтамабіля (супадзенне);

Ён валодае чатырма мовамі, я — пяццю».

Меліціна Станюта — 32-гадовая беларуская гімнастка, неаднаразовая прызёрка чэмпіянатаў свету і Еўропы, заслужаны майстар спорту Рэспублікі Беларусь (2015). Праўнучка савецкай беларускай актрысы Сцяфаніі Станюты.

У 2020 годзе Меліціна падпісала ліст спартсменаў за новыя сумленныя выбары і супраць гвалту беларускай улады.

«Шчыра кажучы, я наогул сумняваюся, што калі-небудзь даспею да сур'ёзных адносінаў. Прынамсі, пакуль не скончу са спортам — замуж дакладна не пайду», — казала калісьці 18-гадовая Станюта.

Спартыўную кар’еру яна завершыла ў 2016 годзе, тады ж абмяркоўваўся яе раман з кікбаксёрам Віталем Гурковым. Да 2020 года Станюта працавала на беларускім тэлебачанні.