Такаеў зноў заклікаў Пуціна спыніць вайну ва Украіне

• 29.09.2026, 19:15

Прэзідэнт Казахстана нагадаў пра сваю пазіцыю, якую ён выказаў дыктатару РФ у Амску.

Прэзідэнт Казахстана Касым-Жамарт Такаеў у Берліне заявіў, што ўсе кіраўнікі дзяржаў выступаюць за спыненне ваенных дзеянняў ва Украіне.

«Я ўдзячны прэзідэнту Пуціну за тое, што ён з вялікім разуменнем успрыняў маю асабістую пазіцыю па гэтым пытанні. Паколькі ўсе мы — кіраўнікі дзяржаў — выступаем за спыненне ваенных дзеянняў на тэрыторыі Украіны, уключаючы прэзідэнта Расіі», — сказаў Такаеў.

25 ліпеня Пуцін і Такаеў правялі сустрэчу ў Амску, падчас якой казахстанскі лідар прапанаваў замарозіць вайну РФ ва Украіне і вярнуцца да Стамбульскай формулы ўрэгулявання. Кіраўнік рэспублікі падкрэсліў, што на перамовах у Турцыі былі дасягнутыя значныя вынікі, таму мае сэнс і далей рухацца ў бок міру пад гарантыі буйных дзяржаў.