У Мядзеле па дварах ходзяць лісы

• 29.09.2026, 19:19

Мясцовыя жыхары ў шоку.

Да жыхароў Мядзельшчыны ўсё часцей заходзяць дзікія лісы. Прычым нават у двары прыватных дамоў, піша narachanka.by.

Адна лісіца трапіла на відэа.

Расказваем, чаму звяры цягнуцца да людзей і ці могуць яны быць небяспечнымі.

Кадры з дзікай жывёлай выклала ў TikTok жыхарка прыватнага дома ў раёне Боклаеў на Мядзельшчыне.

На відэа рудая заходзіць у двор, садзіцца і не спяшаючыся мыецца.

Лісіцу палохае толькі рух аўтаматычных варот.

З’яўленне дзікіх жывёл побач з людзьмі звязалі з пошукам ежы. У населеных пунктах яны могуць знаходзіць больш лёгкую здабычу і такім чынам траціць менш энергіі на пошукі ежы.

Але людзям варта памятаць: падыходзіць да лісіц не варта.