Дзяржаўная памежная служба Украіны: Беларусь перыядычна ўключае рэтранслятары для расійскіх дронаў

• 29.09.2026, 19:46

Раней прэзідэнт Украіны заклікаў Лукашэнку прыбраць іх.

Беларусь перыядычна ўключае рэтранслятары, якія ўзмацняюць сігнал для расійскіх беспілотнікаў падчас удараў па Украіне.

Пра гэта заявіў спікер ДПСУ Андрэй Дземчэнка у эфіры День.LIVE.

Ён распавёў, што рэтранслятары ўключаюць, у прыватнасці, калі краіна-агрэсар запускае беспілотнікі па заходніх абласцях.

«Прыклад дзеянняў Расіі па ўдарах па нашых заходніх абласцях паказвае, што на тэрыторыі Беларусі працягваюць працаваць або перыядычна ўключаюцца рэтранслятары, якія падсілкоўвалі сігнал для расійскіх дронаў», — адзначыў спікер ДПСУ.

У той жа час ён паведаміў, што памежнікі пакуль не фіксуюць назапашванне войскаў, асабовага складу або перамяшчэнне тэхнікі на мяжы з Беларуссю.

Нагадаем, у чэрвені прэзідэнт Украіны Уладзімір Зяленскі звярнуўся да Аляксандра Лукашэнкі з заклікам дэмантаваць рэтранслятары.