У Беларусь ідуць тарнада

• 3.09.2026, 11:19

Такія пагодныя ўмовы могуць узнікнуць ужо 4 верасня.

Па тэрыторыі Беларусі можа прайсці тарнада — калі і дзе менавіта гэта магчыма, расказалі ў Telegram-канале «Метеовайб».

Аўтар канала апублікаваў даныя Еўрапейскай сістэмы прагназавання небяспечных навальніц (ESTOFEX), якія дэманструюць даволі трывожную карціну. У зону рызыкі ўтварэння лакальных тарнада трапілі амаль уся Прыбалтыка, а таксама поўнач і цэнтр Беларусі. ESTOFEX прысвоіла гэтай тэрыторыі першы — самы нізкі — узровень небяспекі.

Як тлумачыць аўтар канала, пры невялікім зрэзе ветру ў спалучэнні з нізкім узроўнем кандэнсацыі і прыкметнай адноснай гелікальнасцю ў дзённыя гадзіны могуць скласціся ўмовы, спрыяльныя для фармавання дыскрэтных тарнаданебяспечных супер’ячэек.

Паводле прагнозаў, такія пагодныя ўмовы могуць узнікнуць у Беларусі ўжо 4 верасня.

Тым не менш, само па сабе тарнада можа і не ўтварыцца. Першы ўзровень небяспекі — самы нізкі з трох існуючых — азначае толькі невялікую верагоднасць узнікнення лакальных небяспечных атмасферных з’яў, а не гарантыю іх наступлення.