У Пуціна на сустрэчы з Пашынянам здалі нервы

• Дзмітро Кулеба
• 3.09.2026, 11:24

Пастаянна пакошльваў і дрыгаў нагамі.

Учора Пуцін там нешта нагаварыў. Але ўсё, што ён сказаў, — гэта толькі чарговае пацвярджэнне таго, што нічога новага Пуцін прапанаваць не можа. То-бок па сутнасці нічога новага ён не сказаў, але была адна заява, юрыдычна важная, і адна заява, якая патрабуе тлумачэння.

Ён там вельмі пагрозлівым тонам распавядаў пра дзяржаўны тэрарызм, пра тое, як яны нібыта ўжо захапілі вёскі, вось-вось захопяць Сумы. Гэта ўсё пераліванне з пустога ў парожняе. Усё гэта мы ўжо чулі. Ніяк не рэагуйце на гэтыя пагрозы.

Але што цікава — учора Уладзімір Пуцін, кіраўнік Расіі, на камеры, публічна, пад запіс заявіў: «Войскі РФ атрымалі загад наносіць масіраваныя ўдары па энергетыцы Украіны».

Гэта вельмі важная заява з пункту гледжання даказвання персанальнай адказнасці Пуціна за здзяйсненне ваеннага злачынства, калі яны б'юць па грамадзянскай энергетычнай інфраструктуры, па ЦЭЦ, якія даюць цяпло ў гарадах.

Гаворка не пра НПЗ, не пра здабычу газу, а менавіта пра тое, што мы бачым — Пуцін асабіста аддае загад біць па энергетычнай інфраструктуры.

Таму, калі калі-небудзь у міжнародных юрыстаў, пракурораў і суддзяў з'явіцца сіла волі і характар, дык гэтак жа, як Міжнародны крымінальны суд выдаў ордэр на арышт Пуціна за выкраданне украінскіх дзяцей (бо там былі яго падпісаныя ўказы на тэму спрашчэння грамадзянства і ўсё такое), — тут таксама ўжо можна прад'яўляць склад злачынства.

А другая заява была пра тое, што мабілізацыя ў Расіі — «поўная лухта», маўляў, гэтага не будзе. Наколькі мне вядома, Крэмль правёў закрытыя сацыялагічныя апытанні, якія паказалі, што ідэя мабілізацыі ў цэлым успрымаецца вельмі дрэнна. Але чуткі пайшлі па Расіі, народ пачаў нервавацца. Учорашняя заява Пуціна мае мэту супакоіць насельніцтва Расіі напярэдадні парламенцкіх выбараў.

Але адкрыты або тайны ўзмоцнены набор у склад расійскай арміі будзе працягвацца і набіраць абароты. Таму я б не ўспрымаў словы Пуціна як адмену або спроставанне таго, пра што, у тым ліку, украінская разведка казала апошнія месяцы, — што рыхтуецца мабілізацыя. Яны проста спрабуюць напярэдадні выбараў усіх супакоіць, а пасля выбараў, нават калі не будуць абвяшчаць паўнацэнную мабілізацыю, усё роўна ўзмоцняць таемную мабілізацыю, якую праводзілі і да гэтага.

Гэта ўсё, што заслугоўвае ўвагі з яго ўчорашніх заяў.

Але паглядзіце лепш у інтэрнэце яго двухбаковую сустрэчу з прэм'ер-міністрам Арменіі Пашынянам. Вы проста бачыце няздольнага Пуціна. Ён нервуецца, пастаянна пакошльвае. Гэта заўсёды прыкмета, калі ён так кажа: «Я, кхе-кхе, хацеў сказаць, выказаць сваю, кхе-кхе, надзвычай жорсткую пазіцыю» — нервы, нервышкі здаюць.

А Пашынян сядзіць і па-армянску яго абхажвае, распавядае: «Ну дык у нас там тое, у нас там сёе, вы павінны зразумець». Трэба разумець, што наогул Расія заўсёды лічыла Арменію сваёй кішэннай краінай, а тут ужо проста ўсё пасыпалася.

Нават Арменія...

Дзмітро Кулеба, YouTube