Узімку ў Гродне абяцаюць адкрыць аэрапорт

• 3.09.2026, 17:31

Названыя асноўныя кірункі.

У аэрапорце Гродна завяршылі абнаўленне ўзлётна-пасадачнай паласы і рыхтуюцца да ўстаноўкі новага навігацыйнага абсталявання.

Таргі на набыццё неабходнага абсталявання ўжо праведзены, яго пастаўка чакаецца восенню. Пасля ўстаноўкі застанецца вырашыць астатнія тэхнічныя пытанні і ўвесці сістэму ў эксплуатацыю.

«Я ўпэўнены, аэрапорт адкрыецца найбліжэйшай зімой. Задача — прыцягнуць аператараў і авіякампаніі, якім будзе эканамічна мэтазгодна лятаць у Гродна», — заявіў старшыня Гродзенскага гарвыканкама Андрэй Хмель.

Пакуль канкрэтныя рэгулярныя маршруты і перавозчыкі не вызначаныя. Сярод кірункаў, якія разглядаюць улады, — Масква, Санкт-Пецярбург і Калінінград. У больш аддаленай перспектыве з Гродна таксама могуць запусціць чартарныя рэйсы на курорты.