Нафтабазы і ЗРК С-400 у Сочы знішчылі украінскія дроны FP-1

• 5.09.2026, 10:59

У Fire Point раскрылі дэталі аперацыі.

Паветраны ўдар па ваенных і стратэгічных аб'ектах у Сочы у Краснадарскім краі Расіі ў ноч на 4 верасня Сілы абароны Украіны нанеслі з дапамогай дронаў FP-1.

Пра гэта ў сваім акаўнце ў сацсетцы X паведаміла ўкраінская кампанія Fire Point.

Паводле дадзеных Fire Point, украінскія дроны 4 верасня атакавалі ў Сочы нафтабазу кампаніі «Лукойл», нафтабазу на тэрыторыі аэрапорта Адлера, а таксама зенітна-ракетны комплекс С-400, які здольны збіваць самалёты і ракеты на адлегласці да 400 км.

Нафтабаза кампаніі «Лукойл» у Сочы вельмі вялікая. Там ёсць 12 паліўных рэзервуараў. Іх агульны аб'ём складае больш за 8400 кубічных метраў.

ЗРК С-400 прыкрываў стратэгічныя аб'екты ў раёне Сочы, перадусім марскі порт і нафтабазы. У сувязі з гэтым украінскія дроны спачатку знішчылі С-400, а потым нанеслі ўдары па аб'ектах нафтавай інфраструктуры Расіі.

Губернатар Краснадарскага краю Веніямін Кандрацьеў прызнаў, што ўдары ЗСУ па нафтабазах у Сочы былі паспяховымі. Паводле яго слоў, з-за «падзення абломкаў БПЛА адбыўся пажар на нафтабазе», што можа прывесці да праблем з палівам у курортным горадзе.