На Кранштацкім заводзе загарэўся расійскі ледакол «Адмірал Макараў»

• 5.09.2026, 17:18

Агонь успыхнуў у труме судна

Днём у суботу, 5 верасня, у Кранштаце загарэўся расійскі ледакол «Адмірал Макараў», які знаходзіўся ў рамонце. Узгаранне адбылося ў труме судна на Пятроўскай вуліцы, агонь распаўсюдзіўся на плошчу 80 квадратных метраў.

На месцы працуюць 52 выратавальнікі, паведамілі ў МНС Санкт-Пецярбурга.

Лінейны дызель-электрычны ледакол «Адмірал Макараў» праекта P-1039 быў пабудаваны ў 1975 годзе на верфі ў Хельсінкі. Судна працавала на Далёкім Усходзе і брала ўдзел у некалькіх выратавальных аперацыях. У лістападзе 2025 года ледакол перадалі ў Паўночна-Заходні басейнавы філіял.

Заўважым, што крыху менш за два гады таму, 26 лістапада 2024 года, на ледаколе таксама тушылі пажар.