У Беларусі на гіганцкай патэльні пажарылі 150 кг бульбы

• 5.09.2026, 21:30

Да стравы дадалі і мяса.

У аграгарадку Дзешчанка Уздзенскага раёна ў суботу, 5 верасня, прайшоў фестываль-кірмаш «Бульбяны фэст», паведамляе Mlyn.by.

Свята аб’яднала аматараў традыцыйнага для Беларусі караняплоду — бульбы.

Для гасцей на гіганцкай патэльні пажарылі 150 кг бульбы і 20 кг мяса.

Бульбу смажылі на патэльні дыяметрам 1,8 метра. Да стравы дадалі і мяса. Гатовыя порцыі раскладалі па талерках і раздавалі ўсім ахвотным.

Вялізную партыю пачастунку гатаваў кухар Дзешчанскай сярэдняй школы. Судзячы па відэа, страва ў спецыяліста атрымалася на славу: колер — прыемна залатысты, а пачаставацца сабраўся цэлы натоўп ахвотных.

Акрамя таго, на фестывалі смажылі дранікі на «тайговай свечцы» — спецыяльнай драўлянай калодцы.